27-sonli maktabdagi o‘quvchilar sig‘imi va sharoitlar o‘rganildi 

Xalq deputatlari Oltiariq tuman Kengashi deputati R.Xolboboyev hamda tuman Kengashi kotibiyati bosh mutaxassisi A.Turgʻunovlar ishtirokida hududdagi 27-sonli umumta’lim maktabida o‘rganish ishlari olib borildi. O‘rganish davomida maktabdagi mavjud sharoitlar, bolalarning sport bilan shug'ullanishlari uchun sharoitlar, o‘quv jarayonining tashkil etilishi hamda o‘quvchilar sig‘imiga oid holatlar ko‘zdan kechirildi. Ma’lum bo‘lishicha, maktab binosi jami 260 nafar o‘quvchiga mo‘ljallangan bo‘lib, bugungi kunda ushbu ta’lim maskanida
501 nafar o‘quvchi tahsil olmoqda. Bu esa maktabda o‘quvchilar sonining mavjud quvvatdan ancha ortib ketganini ko‘rsatmoqda. Mazkur holatni inobatga olgan holda, maktab uchun qo‘shimcha yangi bino qurish
zarurligi qayd etildi hamda masala yuzasidan tegishli takliflar ishlab chiqilishi belgilandi.