Kengash qarori ijrosi joyida o'rganildi

Xalq deputatlari tuman Kengashi raisi J.Xudoyqulova tuman Kengashi bosh mutaxassisi A.Mamarajabov bilan hamkorlikda “Yetimqum” mahallasida bo‘lib, o‘rganish ishlari doirasida mahalla ichki ko‘chalarini asfaltlash ishlari boshlanishi bilan tanishdi.

O‘rganish jarayonida hududdagi ichki yo‘llarning holati, olib borilayotgan asfaltlash ishlari sifati hamda belgilangan rejalar asosida amalga oshirilayotgan bunyodkorlik ishlari ko‘zdan kechirildi. Mahalla aholisining uzoq yillik murojaatlaridan biri bo‘lgan ichki ko‘chalarni ta’mirlash va asfaltlash ishlari boshlanganligi fuqarolar tomonidan mamnuniyat bilan kutib olindi.

Mazkur ishlar Xalq deputatlari Qiziriq tumani Kengashining 2026-yil 19-martdagi VII-18-24-8-113-K/26-sonli qarori bilan tasdiqlangan tuman Obodonlashtirish boshqarmasi tasarrufidagi ichki yo‘llarni saqlash va joriy ta’mirlash bo‘yicha 2026-yilga mo‘ljallangan dastlabki manzilli ro‘yxat asosida amalga oshirilmoqda.

Shuningdek, mas’ullar bilan suhbat davomida ishlarning sifatli va belgilangan muddatlarda yakunlanishi, aholiga qulaylik yaratish hamda hudud infratuzilmasini yanada yaxshilash masalalariga alohida e’tibor qaratildi.

Qiziriq tumani Kengashi Axborot xizmati 
Rasmiy sahifalarimiz👇
Telegram | Facebook | E-kengash |Instagram

#J_Xudoyqulova #A_Mamarajabov