2025-жыл 26-март күни район ҳәкимлигинде Халық депутатлары Тахтакөпир районлық Кеңеси жанындағы «Социаллық тараў, Жаслар сиясаты, мәденият ҳәм спорт мәселелери бойынша» турақлы комиссияның гезектеги жыйналысы болып өтти. Жыйналысқа турақлы комиссия ағзалары, Шаңарақ ҳәм ҳаял-қызлар бөлим баслығы Г.Сейтназарова, аймақлардағы Ҳаял-қызлар белсендилери қатнасты. Жыйналыс күн тәртибинде Шаңарақ ҳәм ҳаял-қызлар бөлими ҳәм аймақлардағы Ҳаял-қызлар белсендилери тәрепинен Өзбекстан Республикасы Министрлер Кабинетиниң 2022-жыл 31-марттағы “Ҳаял-қызлар машқалаларын уйрениў ҳәм шешиў системасын жәнеде жеделлестириў ис-иләжлары ҳаққында”ғы 145-санлы қарары тийкарында 2025-жылда Ҳаял-қызларға көрсетилип атырған әмелий жәрдемлер ҳаққында Шаңарақ ҳәм ҳаял-қызлар бөлим баслығы Г.Сейтназарованың есабаты тыңланды.