Xalq deputatlari Chinoz tumani Kengashi raisi, deputat Salixov Sherzod Abduhakimovich "Qir" mahallasi binosida oʻz saylovchilari bilan uchrashuv oʻtkazdi.

Uchrashuvda Sh.Salixov 2025-yilning I-choragi davomida amalga oshirgan ishlari yuzasidan saylovchilariga axborot berdi. Deputat saylangan "Sohibkor" va "Qir" mahallalarida istiqomat qiluvchi fuqarolarning murojaatlarini tingladi.

Fuqarolar tomonidan mahalla infratuzilmasini yaxshilash, obodonlashtirish, kommunal xizmat koʻrsatish tizimidagi muammolarni bartaraf etish, fuqarolarning uy-joy kadastr hujjatlarini rasmiylashtirish, tadbirkorlikni rivojlantirish maqsadida bank kreditlari ajratish kabi masalalar yuzasidan jami 10 ta murojaat bildirildi.

Uchrashuvda fuqarolarning 4 ta murojaati, yaʼni fuqarolarni doimiy ishga joylashtirish va bank krediti ajratish masalasi shu joyning oʻzida ijobiy hal etildi. Qolgan murojaatlar yuzasidan masʼul tashkilotlar tomonidan ijrosi nazoratga olinib, muddatlari belgilab olindi.