Xalq deputatlari tuman Kengashi kotibiyat mudiri M.Qoraboyeva o‘z saylov okrugidagi Bo‘ston mahalla fuqarolar yig‘inida o‘rganish ishlari olib borildi. 

O‘rganish jarayonida hududda hokim yordamchisi tomonidan amalga oshirilayotgan ishlar samaradorligi atroflicha tahlil qilindi. Xususan, aholi bandligini ta’minlash, tadbirkorlikni rivojlantirish, oilaviy biznesni qo‘llab-quvvatlash, kredit va subsidiyalar ajratish orqali daromad manbalarini kengaytirish borasida olib borilayotgan ishlarning holati o‘rganildi.

Uchrashuv davomida hududdagi ishsiz fuqarolarni aniqlash, ularni kasb-hunarga o‘qitish, doimiy ish o‘rinlariga joylashtirish, shuningdek, o‘zini o‘zi band qilishga yo‘naltirish masalalariga alohida e’tibor qaratildi. Fuqarolarni daromad keltiruvchi faoliyatga jalb etish, xizmatlar ko‘lamini kengaytirish, kichik biznes va xususiy tadbirkorlikni rivojlantirish orqali yangi ish o‘rinlari yaratish zarurligi ta’kidlandi.