Har payshanba – “Yoshlar kuni”: Deputat yoshlar bilan uchrashuvi

 Xalq deputatlari Olmazor tumani Kengashi deputati Turdiqul Bobomuratov Olmazor tumani hududida joylashgan Toshkent davlat tibbiyot universitetida yoshlar bilan uchrashdi. Uchrashuv har payshanba kuni o‘tkaziladigan “Yoshlar kuni” doirasida tashkil etildi.

 Uchrashuv davomida deputat yoshlar siyosati sohasida amalga oshirilayotgan islohotlar, ta’lim tizimidagi yangilanishlar hamda iqtidorli yoshlarni qo‘llab-quvvatlash bo‘yicha yaratilayotgan imkoniyatlar haqida so‘z yuritdi. O‘z nutqida u yoshlar jamiyatning eng faol va tashabbuskor qatlami ekanini, ularning bilim olishi, kasb-hunar egallashi va Vatanga sadoqat ruhida tarbiyalanishi davlat siyosatining ustuvor yo‘nalishlaridan biri ekanini ta’kidladi.

 Tadbir ochiq muloqot shaklida o‘tdi. Yoshlar o‘zlarini qiziqtirgan savollar, taklif va tashabbuslarini bildirishdi. Deputat tomonidan berilgan savollarga batafsil javoblar berilib, ilgari surilgan takliflar nazoratga olindi. Mazkur uchrashuv yoshlarning ijtimoiy-siyosiy faolligini oshirish, ularning fikr va tashabbuslarini qo‘llab-quvvatlashga qaratilgani bilan ahamiyatli bo‘ldi.