O‘zbekiston Respublikasining 1993-yil 3-sentyabrdagi “Fuqarolarning davlat pensiya ta’minoti to‘g‘risida”gi Qonuni ijrosini ta’minlash, aholining ijtimoiy himoyasini kuchaytirish bugungi kunning muhim vazifalaridan biridir.

Shu munosabat bilan, Xalq deputatlari Olmaliq shahar Kengashi deputati Shodiya Alijonova tomonidan shahrimizdagi “Bobur” mahallasi aholisining maishiy-ijtimoiy murojaatlari yuzasidan navbatdagi deputatlik o‘rganishi olib borildi.

O‘rganish jarayonida nimalarga e’tibor qaratildi?

🔍 Fuqarolarga pensiya va nafaqalar tayinlanishining qonuniy asoslari;

🔍 Ijtimoiy himoyaga muhtoj oilalarning yashash sharoitlari va maishiy muammolari;

🔍 Qonun ijrosi doirasida aholiga yaratilgan imtiyozlardan foydalanish darajasi.

Deputat o‘rganish davomida bir necha fuqarolarning shaxsiy murojaatlarini tinglab, ularning yechimi bo‘yicha mas’ul tashkilotlarga deputatlik so‘rovlarini yuborish va huquqiy maslahatlar berish choralarini ko‘rdi.

Xalq bilan muloqot va ijtimoiy adolatni ta’minlashga qaratilgan bunday o‘rganishlar shahrimizning barcha mahallalarida tizimli ravishda davom etmoqda.