Doimiy komissiya yig‘ilishi bo‘lib o‘tdi 

  Xalq deputatlari Quva tumani
Kengashining «Korrupsiyaga qarshi kurashish va xavfsizlik masalalari bo‘yicha»
doimiy komissiyasi yig‘ilishi bo‘lib o‘tdi. Yig‘ilishda Yuksalish harakati
Farg‘ona viloyati bo‘linmasi rahbari, Farg‘ona viloyat Kenashi deputati
Elchieva Nafisaxon Tohirovna ham ishtirok etdi. 

  Yig‘ilishda tuman sog‘liqni
saqlash bo‘limi boshlig‘i R.Isoqov hamda tuman maktabgacha va maktab ta’limi
bo‘limi mudiri o‘rinbosari J.Xoliqovlar o‘zlari faoliyat yuritayotgan bo‘lim va
boshqarmalarida O‘zbekiston Respublikasi Prezidentining 2025 yil 21 maydagi
“Korrupsiyaga qarshi kurashish tizimini yanada takomillashtirish bo‘yicha
belgilangan ustuvor vazifalar ijrosini samarali tashkil etishga doir
chora-tadbirlar yuzasidan hisobot berdilar. 

  Hisobotlarda tizimda
shaffoflikni ta’minlash, korrupsiya holatlarining oldini olish, aholi bilan
ochiq muloqotni yo‘lga qo‘yish, shuningdek, soha faoliyatida samaradorlikni
oshirishga qaratilgan chora-tadbirlar yoritib o‘tildi. 

  Yig‘ilish yakunida doimiy
komissiya a’zolari tomonidan hisobotlar muhokama qilinib, tegishli tavsiya va
takliflar berildi.