Xalq deputatlari viloyat Kengashining navbatdagi o'n sakkizinchi sessiyasi 6-oktabr kuni Kengashlar uyi binosida o‘tkazildi. 

Sessiya ishini Kengash raisi Sh.Negmatov olib bordi. Sessiya ishida bi qator masalalar ko'rib chiqildi va tegishli qarorlar qabul qilindi.

Sessiya kun tartibida quyidagi masalalar koʻrib chiqildi:

- viloyatda 2025-2026-yillarda kuz-qish mavsumiga tayyorgarlik holati, ayniqsa, ijtimoiy soha obyektlarida amalga oshirilayotgan ishlar to‘g‘risida viloyat hokimining o‘rinbosari N.Raxmonovning hisoboti;

-viloyat Ichki ishlar boshqarmasi jamoat xavfsizligi xizmati yo‘l harakat xavfsizligi boshqarmasi boshlig‘i A.Nosirovning O‘zbekiston Respublikasi Prezidentining 2022-yil 4-apreldagi “Avtomobil yo‘llarida inson xavfsizligini ishonchli ta’minlash va o‘lim holatlarini keskin kamaytirish chora-tadbirlari to‘g‘risida” PQ-190-son qarorining viloyatdagi ijrosi yuzasidan hisoboti;

- o‘zboshimchalik bilan egallab olingan yer uchastkalari hamda ularda qurilgan binolar va inshootlarga bo‘lgan huquqlarni e’tirof etish to‘g‘risida;

- jamoat ehtiyojlari uchun yer uchastkalarini olib qo‘yilishiga ruxsat berish to‘g‘risida;

- Samarqand viloyati hokimligi boshqaruv apparatining yangilangan tashkiliy tuzilmasini tasdiqlash toʼgʼrisida.

✅ @sam_vil_deputatlari