Xalq deputatlari Zarbdor tumani kengashi deputatlari M.Gaipov va J.O‘skanovlar tomonidan Shodlik mahalla fuqarolar yig‘ini hududidagi Nihol massivida bunyod etilayotgan yangi umumiy o‘rta ta’lim maktabi qurilish jarayoniga deputatlik nazorati amalga oshirildi. Mazkur loyiha O‘zbekiston Respublikasi Prezidentining
2024-yil 24-dekabrdagi PQ-454-sonli qaroriga asosan amalga oshirilmoqda. Ushbu ta’lim muassasasi 330 o‘quvchiga mo‘ljallangan bo‘lib, buning uchun davlat byudjetidan 12 milliard 500 million so‘m mablag‘ ajratilgan. Qurilish ishlarini “MEROS” xususiy korxonasi olib bormoqda.
Deputatlar joyiga chiqqan holda amalga oshirilayotgan qurilish ishlari bilan tanishdi, sifat va muddat masalalariga alohida e’tibor qaratildi. Shuningdek, loyiha doirasida ta’lim muassasasining zamonaviy jihozlar bilan ta’minlanishi, o‘quvchilarning qulay va xavfsiz sharoitlarda ta’lim olishini ta’minlash masalalari yuzasidan ham fikr almashildi.
Qurilish ishlarining belgilangan muddatda va sifatli yakunlanishi doimiy nazorat ostida bo‘lishi ta’kidlandi.