🟢O‘zbekiston Respublikasi Prezidenti Shavkat Mirziyoyevning 2025-yil iyul oyida Ozarbayjon Respublikasiga amalga oshirgan davlat tashrifi ikki tomonlama munosabatlar tarixida muhim voqea sifatida qayd etildi. Ikki mamlakat o‘rtasidagi do‘stlik, o‘zaro ishonch va amaliy hamkorlik so‘nggi yillarda strategik sheriklik darajasiga ko‘tarilganligiga barchamiz guvohmiz.

🔹Ikki davlat o‘rtasidagi savdo aylanmasi so‘nggi ikki yilda ikki barobar oshib, ushbu ko‘rsatkichni 2 mlrd. dollarga yetkazish maqsad qilinganligi, Xankendi shahrida O‘zbekiston tomonidan qurilgan yiliga 3 million dona mahsulot ishlab chiqarish quvvatiga ega to‘qimachilik fabrikasi faoliyat boshlab, 800 nafar ishchi o‘rni yaratilganligi ikki davlat munosabatlarni yanada mustahkamlamoqda.

Shuningdek, O‘zbekiston va Ozarbayjon o‘rtasida ta’lim, fan va madaniyat sohasidagi aloqalar yangi bosqichga ko‘tarilganligi e’tirof etildi:

    2025–2026-o‘quv yilidan boshlab Toshkent va Boku oliy o‘quv yurtlari o‘rtasida talabalar va professorlar almashinuvi yo‘lga qo‘yilishi;

    har ikki davlatda “O‘zbekiston – Ozarbayjon yoshlar forumi” tashkil etilishi;

    diplomatik munosabatlar o‘rnatilganiga 30 yil to‘lishi munosabati bilan bir qator madaniy tadbirlar, ko‘rgazmalar va konsertlar o‘tkazilishi belgilab olinganligi juda quvonarli holatdir.

🔹Strategik sheriklik endi faqat siyosiy emas – u iqtisodiy, gumanitar va insonparvarlik sohalarida ham amaliy ifodasini topmoqda.

Xalq deputatlari Bo‘stonliq tumani Kengashi deputati Asomov Sagdulla Murаdullayevich.