"O‘zbekiston – Sloveniya hamkorligi: Yangi bosqich sari dadil qadamlar"

Prezidentimiz Shavkat Mirziyoyevning Sloveniya Respublikasiga amalga oshirgan rasmiy tashrifi nafaqat ikki davlat o‘rtasidagi do‘stona munosabatlarni mustahkamlash, balki o‘zaro manfaatli hamkorlikning yangi ufqlarini ochishda muhim ahamiyat kasb etmoqda. Uchrashuvda savdo-iqtisodiy, investitsiyaviy va logistika sohalarida erishilgan kelishuvlar, ayniqsa Koper porti infratuzilmasidan foydalanish bo‘yicha o‘zaro anglashuv, O‘zbekiston mahsulotlarining Yevropa bozoriga chiqishida muhim imkoniyatlar yaratadi.

Bu kabi amaliy qadamlar yurtimizning xalqaro maydondagi mavqeini mustahkamlabgina qolmay, iqtisodiy o‘sish sur’atlarini ham yangi bosqichga olib chiqadi. Xususan, ikki davlat o‘rtasidagi aviqatnovlarning yo‘lga qo‘yilishi, investitsiya va savdo aloqalarining kengaytirilishi — zamonaviy taraqqiyotga xizmat qiluvchi muhim tashabbusdir. Iyul oyida bo‘lib o‘tadigan Hukumatlararo komissiya yig‘ilishi esa ushbu tashrif davomida belgilab olingan rejalarni hayotga tatbiq etish yo‘lida muhim bosqich bo‘ladi.

Shubhasiz, bu kabi tashabbuslar O‘zbekistonning ochiq tashqi siyosati, xalqaro hamkorlikka tayyorligi va milliy manfaatlarni ilgari surish borasidagi qat’iyatini yana bir bor tasdiqlaydi.

Xalq deputatlar kengashi Oqqo'rg'on tumani Kengashi deputati M.Rustamov