Bozataw rayonı hákimliginiń májilisler zalında Xalıq deputatları Bozataw rayonlıq Keńesiniń gezektegi 22-sanlı sessiyası ótkerildi.

Bolıp ótken sessiya jumısına siyasiy partiyalar, rayon hákiminiń orınbasarları, rayondaǵı mákeme, kárxana, shólkem basshıları hám jergilikli ǵalaba xabar quralları wákilleri qatnastı.Sessiya dawamında jámi 7 másele kórip shıǵıldı.

1.Bozataw rayonı jergilikli byudjetiniń 2026-jıl 1-yanvar jaǵdayına anıqlanǵan erkin qaldıq qarjıları bólegi esabınan ajıratılatuǵın qarjılarınıń jumsalıw jónelisleri haqqında.

Málimleme beriwshi: Bozataw rayonı Ekonomika hám finans bólimi baslıǵı orınbasarı B.Jumanov.

2.Bozataw rayonı salıq inspekciyası tárepinen 2026-jıldıń I sheregi  dawamında byudjetke túsimlerdi támiyinlew hámde jergilikli byudjetke qosımsha dereklerdi tabıw boyınsha ámelge asırılǵan jumısları haqqında.

Esabat beriwshi: Bozataw rayonı salıq inspekciyası baslıǵı A.Arziev.

3.Bozataw rayonında fermer xojalıqları, klasterler hám basqa suw qarıydarlarǵa 2023-jıl vegetaciya dáwiri ushın ajıratılǵan suw limitlerin tastıyıqlaw haqqında.

 Málimleme beriwshi: Bozataw rayonı “Suw jetkerip beriw xızmeti” mámleketlik mákemesi direktorı I.Artıqbaev.

4.Bozataw rayonı aymaǵındaǵı kóshe taypaları atamaların tastıyıqlaw haqqında.

Málimleme beriwshi: Bozataw rayonı hákiminiń ruwxıy-aǵartıwshılıq jumısları nátiyjeliligin arttırıw, mámleketlik til haqqındaǵı nızam hújjetlerine ámel etiliwin támiyinlew máseleleri boyınsha másláhátshisi B.Ametov.

5.Rayonlıq Mektepke shekemgi hám mektep bilimlendiriw bóliminiń Mámleketlik hám mámleketlik emes mektepke shekemgi bilimlendiriw bólimlerinde balalardı qamtıp alıw dárejesi hám olarǵa jaratılǵan shárt-sharayatlar haqqında.

Esabat beriwshi:Mektepke shekemgi bilimlendiriw shólkemleriniń jumısın muwapıqlastırıw sektorınıń bas metodisti B.Joldasov.

6. Ózbekstan Respublikasınıń 2024-jıl 5-avgusttaǵı «Ózbasımshalıq penen iyelep alınǵan jer uchastkalarına hám de olarda qurılǵan imaratlar hám qurılmalarǵa bolǵan huqıqlardı tán alıw haqqında»ǵı ÓRN 937-sanlı Nızamınıń Bozataw rayonında orınlanıw barısı haqqında.

Esabat beriwshi: Kadastrlar palatası Qaraqalpaqstan Respublikası Bozataw rayonı filialı baslıǵı D.Xojaniyazov.

7. Rayonlıq jaslar isleri bólimi tárepinen rayonda jaslardıń mashqalaların sheshiw, olardıń bántligin támiyinlew boyınsha 2026-jıldıń I shereginde ámelge asırılǵan jumısları haqqında esabatı hám rayonlıq "Jaslar dápteri" qorı esabınan "Bes baslama olimpiadası" ilajların qarjılandırıw haqqında.

Esabat beriwshi: Rayonlıq jaslar isleri bólimi baslıǵı N.Toremuratov.

Sessiya kún tártibindegi máseleler tolıq qarap shıǵıldı hám deputatlar tárepinen tiyisli sheshimler qabıl etildi.
Ekspert toparı.

Xalıq deputatları rayonlıq Keńesiniń sessiya májilisinde ekspert toparınıń qatnasıwı ayrıqsha áhmiyetke iye bolıp, qaralǵan máselеlеrdiń mazmunın tereń túsiniwge hám olar boyınsha ámeliy sheshimler qabıl etiwge járdem berdi.

Sessiya barısında kún tártibine kiritilgen máselеlер keń túrde talqılanıp, tiyisli taraw basshılarına, ekspertler toparı tárepinen usınıslar hám analitikalıq pikirler berildi. Bul óz gezeginde qarar qabıl etiw processiniń sapasın arttırıp, sheshimlerdiń ámeliy turmısqa engiziw boyınsha járdem etedi.
Ekspert toparı qatnasıwında aymaqtıń sociallıq-ekonomikalıq jaǵdayın, infrastrukturalardıń rawajlanıwı, xalıqtıń turmıs dárejesin jaqsılaw, jumıs orınların jaratıw hám xalıqtıń mashqalaların sheshiw máselesi keńnen qamtıp alındı.
Olar tárepinen berilgen usınıslar anıq faktler menen tiykarlanǵan bolıp, aldaǵı jumıslardıń baǵdarların anıqlawda áhmiyetli rol atqaradı.
Sonıń menen birge, ekspertlerdiń qatnasıwı sessiya qararlarınıń ámeliy nátiyjeliligin arttırıwda, qabıl etilgen sheshimlerdi júrgiziwde kózqaraslardı keńeytiriwde hám hár túrli variantlardı salıstırıwda úlken áhmiyetke iye boldı.
Bul bolsa aldaǵı waqıtta bolatuǵın jumıslardıń tártipli hám nátiyjeli bolıwına, xalıq máplerin esapqa alǵan halda qarar qabıl etiwge óz úlesin qosadı.