✔️Xalq deputatlari Toyloq tumani Kengashining 6-Ravot saylov okrugidan saylangan deputati N.Baxriyev hamda "Tozahudud" davlat unitar korxonasi rahbari Sh.Nurboboyev birgalikda saylov okrugidagi "Katta Ravot" mahallasida bo'lishdi.

✔️Asosiy maqsad hududda maishiy chiqindilarni o'z vaqtida va belgilangan tartibda olib chiqib ketilish holatlarini ko'zdan kechirish, aholi uchun qulay va toza muhit yaratish jarayonlarini nazorat qilishdan iborat bo'ldi.

✔️O'rganish jarayonida:
Mahalla ko'chalarida maishiy chiqindilarni yig'ish va maxsus texnikalarning grafigi ko'rib chiqildi.
Aholining bu boradagi murojaatlari va takliflari tinglandi.
Aniqlangan ayrim kamchiliklar va muammolar joyida bartaraf etildi.
Mahalliy aholi vakillari mas'ullarning tashabbusi va muammolarga tezkor yechim topilganidan mamnuniyat bildirishdi.
✔️“Atrof-muhit musaffofigini saqlash va mahallalarda tozalikni ta'minlash barchamizning umumiy burchimizdir. Aholi muammolarini o'z vaqtida hal etish yo'lida bunday amaliy uchrashuvlarni davom ettiramiz,” — deydi deputat N.Baxriyev.