📢 Puqaralarǵa beriletuǵın sociallıq járdemler durıs qollanılıp atır ma?

Bul másele boyınsha Nókis rayonında ámeliy úyreniw jumısları alıp barıldı.

📍 Xalıq deputatları Nókis rayonlıq Keńesiniń 15-sanlı «Maqsım qala» saylaw okruginen deputat, rayonlıq Keńes sekretariatı baslıǵı Sh. Qalmuratov hám sekretariat bas qánigesi N. Qosıbaev Nókis rayonı «Insan» sociallıq xızmetler orayında boldı.

Úyreniw dawamında nágiranlıǵı bar bolǵan shaxslarǵa mámleket tárepinen beriletuǵın sociallıq járdemler hám imtiyazlardıń durıs hám nızam talaplarına muwapıq qollanılıwı itibarǵa alındı.

🔎 Sonday-aq, járdemge múqtaj puqaralardı qollap-quwatlaw, olardıń huqıq hám máplerin qorǵaw, sociallıq xızmetlerdiń sapalı hám nátiyjeli kórsetiliwi boyınsha atqarılıp atırǵan jumıslarǵa baha berildi.

🤝 Sociallıq qorǵaw — bul tek járdem emes, al puqaranıń huqıqın támiyinlew hám onıń jámiyettegi ornın bekkemlewden ibarat.