TUMAN ADLIYA BO‘LIMI FAOLIYATI O‘RGANILDI

Xalq deputatlari Termiz tuman Kengashi deputatlari tomonidan biriktirilgan tashkilotlar faoliyatini o‘rganish hamda deputatlik nazoratini amalga oshirish yuzasidan Termiz tuman Adliya bo‘limi faoliyati o‘rganildi.

O‘rganish davomida bo‘lim tomonidan aholiga ko‘rsatilayotgan huquqiy xizmatlar, fuqarolarning murojaatlari bilan ishlash, huquqiy targ‘ibot va aholining huquqiy savodxonligini oshirish borasida amalga oshirilayotgan ishlar tahlil qilindi.

Shuningdek, mavjud muammolar, ularni bartaraf etish bo‘yicha ko‘rilayotgan choralar hamda kelgusidagi vazifalar yuzasidan mas’ullarning ma’lumotlari tinglandi.

O‘rganish davomida aholining huquqiy savodxonligini oshirish, xususan, o‘zboshimchalik bilan egallab olingan yer uchastkalari hamda ularda qurilgan bino va inshootlarga bo‘lgan huquqlarni e’tirof etish masalasiga ham alohida e’tibor qaratildi.

O‘ZBEKISTON RESPUBLIKASINING QONUNI

“O‘zboshimchalik bilan egallab olingan yer uchastkalariga hamda ularda qurilgan binolar va inshootlarga bo‘lgan huquqlarni e’tirof etish to‘g‘risida”

Mazkur Qonun Qonunchilik palatasi tomonidan 2024-yil 9-aprelda qabul qilingan hamda Senat tomonidan 2024-yil 21-iyunda ma’qullangan.

O‘rganish yakunlari bo‘yicha tegishli tavsiyalar berilib, aniqlangan masalalarni bartaraf etish yuzasidan deputatlik nazorati o‘rnatildi.