Xalq deputatlari Uchquduq tuman Kengashining 2-Shalxar saylov okrugi deputati K. Narchayev tomonidan Shalxar OFY hududida aholining ijtimoiy ehtiyojmand qatlamlariga ko‘rsatilayotgan ijtimoiy xizmatlar holati o‘rganildi.

O‘rganish davomida Shalxar OFY ijtimoiy xodimi tomonidan aholining ijtimoiy ehtiyojmand toifalariga ko‘rsatilayotgan xizmatlarning sifati va samaradorligi, fuqarolarning mavjud muammolarini aniqlash hamda ularni hal etishga ko‘maklashish borasida amalga oshirilayotgan ishlar ko‘rib chiqildi.

Shuningdek, kam ta’minlangan oilalarga ijtimoiy nafaqalar va moddiy yordamlarni tayinlash hamda to‘lash holatlari ham o‘rganilib, mazkur jarayonlarning belgilangan tartibda va manzilli amalga oshirilishiga e’tibor qaratildi.

Deputat tomonidan fuqarolarning ijtimoiy himoyasini ta’minlash, ehtiyojmand oilalarni qo‘llab-quvvatlash, ijtimoiy xizmatlardan foydalanishda yuzaga kelayotgan muammolarni o‘z vaqtida aniqlash va ularning qonuniy manfaatlarini himoya qilish masalalariga alohida e’tibor qaratildi.

O‘rganish yakunlari bo‘yicha aniqlangan masalalarni bartaraf etish hamda aholiga ko‘rsatilayotgan ijtimoiy xizmatlar sifatini yanada yaxshilash yuzasidan tegishli tavsiyalar berildi.