🛣 Yo‘l harakati xavfsizligi — umumiy mas’uliyat

📍 Sherobod tumanida yo‘llarning holatini yaxshilash, transport harakati uchun qulay sharoit yaratish, piyodalar xavfsizligini ta’minlash hamda yo‘l harakati ishtirokchilarining huquqiy madaniyatini yuksaltirish masalalariga alohida e’tibor qaratilmoqda.

🤝 Xalq deputatlari Sherobod tumani Kengashi raisi O. Tursunov hamda tuman hokimining o‘rinbosari — tuman Obodonlashtirish boshqarmasi boshlig‘i E. Musayev, tuman YPX boshlig'i Z.Ortiqovlar  ishtirokida yo‘llarning bugungi holati, transport va piyodalar harakati uchun yaratilgan sharoitlar, mavjud muammolar va ularning yechimlari muhokama qilindi.

🚗 Yo‘l harakati xavfsizligi faqat yo‘llarni ta’mirlash va obodonlashtirish bilangina cheklanmaydi. Bu borada har bir haydovchining yo‘l harakati qoidalariga qat’iy amal qilishi, tezlik me’yorlariga rioya etishi, piyodalarga hurmat va mas’uliyat bilan munosabatda bo‘lishi muhim.

🚶‍♂️ Shu bilan birga, piyodalar uchun xavfsiz va qulay sharoit yaratish, yo‘lning ta’mirtalab qismlarini tartibga keltirish nazoratga olindi.

Xalq deputatlari Sherobod tumani Kengashi kotibiyati matbuot xizmati.