XOTIN-QIZLAR MASALALARI — DEPUTATLIK NAZORATIDA
Temirqadam mahalla fuqarolar yig‘inida xotin-qizlar faoli tomonidan amalga oshirilayotgan ishlarning samaradorligi yuzasidan tuman Kengashi deputati G.Keldibekova tomonidan nazorat-tahlil ishlari olib borildi.
O‘rganish jarayonida mahallada xotin-qizlarni qo‘llab-quvvatlash, ularning huquqlarini himoya qilish, bandligini ta’minlash hamda tadbirkorlikka jalb qilish borasida amalga oshirilayotgan ishlar holati tahlil qilindi.
Shuningdek, ehtiyojmand va ijtimoiy himoyaga muhtoj xotin-qizlar bilan ishlash, ularning murojaatlarini o‘rganish va mavjud muammolarni bartaraf etish bo‘yicha amalga oshirilayotgan chora-tadbirlarga alohida e’tibor qaratildi.
Nazorat-tahlil davomida aniqlangan masalalar yuzasidan mas’ullarga tegishli tavsiya va takliflar bildirilib, xotin-qizlar bilan ishlash samaradorligini yanada oshirish bo‘yicha vazifalar belgilab olindi.