SESSIYAOLDI O‘RGANISH: 10-SONLI OILAVIY SHIFOKORLIK PUNKTINING KUZ-QISH MAVSUMIGA TAYYORGARLIGI
Xalq deputatlari Pastdarg‘om tumani Kengashining navbatdagi sessiyasida ko‘rib chiqilishi rejalashtirilgan kuz-qish mavsumiga tayyorgarlik holati masalasi yuzasidan sessiyaoldi o‘rganish ishlari davom etmoqda.
🏥 Shu doirada Kengash deputati N.Allayorova tomonidan Ilm mahallasidagi 10-sonli oilaviy shifokorlik punktining kuz-qish mavsumiga tayyorgarlik holati o‘rganildi.
🔎 O‘rganish davomida tibbiyot muassasasining isitish tizimi, qozonxona va issiqlik ta’minoti holati, yoqilg‘i zaxirasi, shuningdek, kuz-qish mavsumini betalofat o‘tkazish uchun ko‘rilayotgan choralar ko‘zdan kechirildi.
📌 Aniqlangan holatlar tahlil qilinib, mavjud kamchiliklarni bartaraf etish hamda tibbiyot muassasasini kuz-qish mavsumiga puxta tayyorlash yuzasidan tegishli taklif va tavsiyalar shakllantiriladi.