🚸 PIYODALAR XAVFSIZLIGI — DEPUTAT NAZORATIDA
🏛 Xalq deputatlari Shovot tumani Kengashi deputati Kalandarov Azamat Shermetovich tomonidan fuqarolar bilan uchrashuvlar, murojaatlar va hududdagi ijtimoiy muammolarni o‘rganish davomida aniqlangan holatlar yuzasidan 140-ds-448-26-son deputatlik so‘rovi kiritildi.
📍 Deputatlik so‘rovida Shovot tumani hududidan o‘tuvchi 4R159 “Urganch shahri – Shovot shahri – Turkmaniston chegarasi” avtomobil yo‘lining Royat, Guliston va Bo‘ston mahallalari hududidan o‘tuvchi qismlaridagi piyodalar xavfsizligi masalasiga e’tibor qaratilgan.
🔎 O‘rganishlar davomida ayrim piyodalar o‘tish joylarida yo‘l chiziqlari eskirgani, ayrim joylarda esa deyarli ko‘rinmay qolgani aniqlangan.
⚠️ Mazkur holat, ayniqsa, maktab o‘quvchilari, bolalar, nuroniylar va mahalla aholisi uchun yo‘l harakati xavfsizligiga salbiy ta’sir ko‘rsatishi mumkin.
🛣 Deputat tomonidan piyodalar qatnovi yuqori bo‘lgan qismlarni joyiga chiqqan holda o‘rganish, eskirgan va ko‘rinmay qolgan yo‘l chiziqlarini yangilash hamda zarur joylarda tegishli yo‘l belgilarini o‘rnatish yoki yangilash so‘ralgan.
🤝 Maqsad — yo‘l harakati ishtirokchilari, ayniqsa, piyodalar va bolalar uchun xavfsiz hamda qulay sharoit yaratish.
📌 Shuningdek, amalga oshiriladigan ishlarning aniq muddatlari va mas’ul ijrochilarini belgilash hamda ko‘rilgan choralar yuzasidan yozma ma’lumot taqdim etish so‘ralgan.