Ko‘p qavatli uylarning kirish qismidagi ta’mirlash sifati tanqid qilindi

Xalq deputatlari tuman Kengashi deputatlari Y.Berdiyarov, N.Turdiyev hamda Andijon mahallasi faol nuroniysi Berdimurodov To‘g‘il ota tomonidan Anorli ko‘chasida istiqomat qiluvchi fuqaro I.Adilova bilan uchrashuv o‘tkazildi.

Uchrashuv davomida fuqaro ko‘p qavatli uylarni ta’mirlash ishlari yuzasidan o‘z fikr va mulohazalarini bildirdi. Xususan, binoning tashqi fasad qismini ta’mirlash ishlari bo‘yicha e’tirozlar yo‘qligi, ishlar umumiy holatda qoniqarli bajarilganini ta’kidladi.

Biroq fuqaro tomonidan binoning kirish qismini bo‘yash ishlari sifatsiz amalga oshirilgani, ayrim joylarda bo‘yoq ishlari talab darajasida bajarilmaganligi yuzasidan e’tiroz bildirildi. Mazkur holat yangi ta’mirdan chiqarilgan binoning umumiy ko‘rinishiga salbiy ta’sir ko‘rsatayotgani qayd etildi.