O‘rganishlar jarayonida ariq o‘zani maishiy chiqindilar, loyqa va yovvoyi o‘tlar bilan qoplanib, suvning erkin oqib o‘tishiga to‘sqinlik qilayotgani hamda hududning ekologik holatiga salbiy ta’sir ko‘rsatayotgani aniqlangan edi.

Mazkur muammo yuzasidan deputat tomonidan Termiz shahar hokimining obodonlashtirish masalalari bo‘yicha o‘rinbosari B.Ergashov nomiga deputat so‘rovi yuborildi.

Deputat so‘rovi asosida tegishli tashkilotlar tomonidan qisqa muddatda amaliy ishlar olib borildi:
ariq o‘zani maishiy chiqindilar va loyqadan tozalandi;
yovvoyi o‘tlar o‘rib tashlandi;
suvning erkin oqimi tiklandi;
hududning sanitariya va ekologik holati yaxshilandi.

Termiz shahar hokimligining rasmiy javob xatida “Turkman ariq” hududida tozalash ishlari amalga oshirilgani va masala doimiy nazoratga olingani ma’lum qilindi.

Fuqarolar murojaatlari asosida ko‘tarilgan har bir masala deputatlik nazoratida bo‘lib, hududlarda obodlik, tozalik va qulay yashash muhitini yaratish yo‘lida amaliy ishlar davom ettirilmoqda.

Mahalla obodligi — aholi farovonligining muhim omili.
Har bir murojaat e’tiborda, har bir muammo nazoratda!