Oltinsoy tumani “Botash” mahallasi aholisi tomonidan elektr energiyasi ta’minotini yaxshilash yuzasidan kelib tushgan murojaatlar Xalq deputatlari Oltinsoy tumani Kengashining 8-Botash saylov okrugidan saylangan deputat Pardaev Bobir Saparovich tomonidan joyiga chiqib o‘rganildi.

O‘rganish natijalariga ko‘ra, mavjud muammoni bartaraf etish masalasi deputatlik tashabbusi sifatida tuman Kengashi sessiyasi kun tartibiga kiritilib, tegishli qaror qabul qilindi va zarur mablag‘lar ajratildi.

Ajratilgan mablag‘lar hisobidan hudud aholisining elektr ta’minotini yaxshilash maqsadida beton elektr uzatish ustunlari xarid qilinib, hududga yetkazib berildi.

Mazkur jarayonda Xalq deputatlari viloyat Kengashi deputati A.Oripov, tuman Kengashi kotibiyati mudiri M.Xujanov, deputat M.Mordanova, O‘zXDP tuman Kengashi raisi O.Avazov va Kotibiyat bosh mutaxassisi A.Esanov ishtirokida o‘rganidi.

🕊Telegram💬Facebook 🌐E-kengash 📸Instagram