Amir Temur mahallasida meliorativ holat o‘rganildi

🔹 Xalq deputatlari Paxtachi tumani Kengashining 14-«Amir Temur» saylov okrugidan saylangan deputati Mirzayev Shavkat Kenjayevich hamda Kengash kotibiyati mutaxassisi S. Safarova tomonidan Amir Temur mahallasining Gulzor ko‘chasida istiqomat qiluvchi fuqarolarning murojaati joyiga chiqib o‘rganildi.

🔹 Murojaatda ochiq drenajlarning yopiq drenaj tizimiga o‘tkazilishi natijasida aholi tomorqa yerlarida zaxlik yuzaga kelayotgani bildirilgan.

🔹 Mazkur masalani ijobiy hal etish, hududning meliorativ holatini yaxshilash hamda fuqarolarning tomorqa yerlarida zaxlik yuzaga kelishining oldini olish maqsadida Zarafshon irrigatsiya tizimlari havza boshqarmasi huzuridagi Meliorativ ekspeditsiyaning tuman bo‘limi boshlig‘i J. Toxirovga deputatlik so‘rovi yuborildi.