Deputat rayondaǵı imam-xatibler menen ushırastı

📌 Ózbekstan Respublikasınınń 2021-jıl 5-iyul kúngi “Hújdan erkinligi hám diniy shólkemler haqqında”ǵı ÓRQ-699-sanlı Nızamına tiykar, Xalıq deputatları Shımbay rayonlıq Keńesi sekretariat baslıǵı M.Zarikeev rayonda jumıs alıp barıp atırǵan imam-xatibler menen ushırasıw ótkerdi.

Ushırasıw dawamında jámiette ruwxıy-aǵartıwshılıq ortalıqtı bunnan bılay da bekkemlew, jaslardı watansúyiwshilik ruwxında tárbiyalaw, diniy keńpeyillik hám milletleraralıq tatıwlıqtı támiyinlew, sonday-aq, xalıq arasında huqıqıy mádeniyattı arttırıw baǵdarında ámelge asırılıp atırǵan jumıslar dodalandı.

Sonday-aq, imam-xatiblerdiń pikir-usınısları tıńlanıp, máhállelerde xalıq penen birge islesiwdi jáne de kúsheytiw, sociallıq áhmietke ie máselelerdi birgelikte sheshiw boyınsha pikir alısıldı.