#Deputatlik_faoliyati #Doimiy_kimissiya_nazorati #Kotibiyat_hududlarda #haftalik_ish_reja_ijrosi

“OCHIQ BUDJET” LOYIHASI DOIRASIDA 19-SONLI MAKTABGACHA TA’LIM TASHKILOTIDA AMALGA OSHIRILAYOTGAN ISHLAR O‘RGANILDI

🇺🇿 Xalq deputatlari Uchtepa tumani Kengashining "12-Nazarbek" saylov okrugi deputati, Kengashning agrar, qurilish, kommunal sohalar, ekologiya, sanoat va transport masalalari bo‘yicha doimiy komissiyasi raisi Xudayberganov Avaz Abrarovich tomonidan “Ochiq budjet” loyihasining 2026-yilgi 1-mavsumida g‘olib bo‘lgan loyiha doirasida 19-sonli davlat maktabgacha ta’lim tashkilotida amalga oshirilayotgan ishlar o‘rganildi. Jarayonda xalq deputatlari Uchtepa tumani Kengashi kotibiyati mudiri Anvar Usmanov ishtirok etdi.

🧠 O‘rganish davomida maktabgacha ta’lim tashkilotining barcha hojatxonalarini, kanalizatsiya tizimini hamda yerto‘la quvurlarini ta’mirlash ishlari ko‘zdan kechirildi. Shuningdek, foydalanish muddati o‘tgan eshik va deraza romlarini yangilash, tokchalar o‘rnatish hamda yangi eshik va deraza romlari o‘rnatilgandan so‘ng otkos qismlarini ta’mirlash ishlari amalga oshirilayotgani ko‘rib chiqildi.

📈 Bundan tashqari, muassasaning tashqi va ichki sovuq suv hamda oqova suv kommunikatsiya quvur tarmoqlarini ta’mirlash, shuningdek, oshxonani to‘liq ta’mirlash ishlari ham amalga oshirilmoqda. Mazkur qurilish-ta’mirlash ishlarini “Engineering arx servis” MChJ olib bormoqda.

📁 Doimiy komissiya faoliyati doirasida o‘rganish jarayonida amalga oshirilayotgan ishlarning loyiha talablariga muvofiqligi, bajarilish sifati va belgilangan vazifalar ijrosiga alohida e’tibor qaratildi. Ishlarni sifatli va belgilangan muddatlarda yakunlash yuzasidan mas’ullarga tegishli topshiriq va tavsiyalar berildi.