📖 Qonun ijrosi va Kengash qarorlari ijrosi yuzasidan o‘rganish o‘tkazildi

👥 Xalq deputatlari Sherobod tumani Kengashining 17-G‘ambur saylov okrugi deputati S. To‘rayeva hamda Kengash kotibiyatining bosh mutaxassisi S. Safarov tomonidan Sherobod tumani Obodonlashtirish boshqarmasi xodimlari bilan uchrashuv o‘tkazildi.

📋 Uchrashuv davomida Xalq deputatlari Sherobod tumani Kengashi tomonidan qabul qilingan qarorlar ijrosi, belgilangan vazifalarning bajarilish holati, ijro intizomini mustahkamlash hamda kelgusidagi ustuvor vazifalar yuzasidan fikr almashildi.

📖 Shuningdek, O‘zbekiston Respublikasining “Hayvonot dunyosini muhofaza qilish va undan foydalanish to‘g‘risida”gi O‘RQ–408-son Qonuni ijrosi yuzasidan savolnoma asosida o‘rganish ishlari olib borildi.

🔍 O‘rganish jarayonida hayvonot dunyosini muhofaza qilish sohasida qonun talablariga rioya etilishi, biologik xilma-xillikni asrash, tabiiy resurslardan oqilona foydalanish, noqonuniy ov qilishning oldini olish hamda xodimlarning mazkur yo‘nalishdagi bilim va amaliy faoliyati tahlil qilindi.

✅ O‘rganish yakunida aniqlangan holatlar yuzasidan tegishli tavsiya va takliflar berilib, qonunchilik hujjatlari hamda Kengash qarorlari ijrosini samarali tashkil etish bo‘yicha zarur chora-tadbirlar belgilab olindi.