🇺🇿 O‘zbekiston Respublikasi Vazirlar Mahkamasining **“Oilalarni kambag‘allikdan chiqarishga qaratilgan ko‘mak choralarini ko‘rsatishga doir tartib-taomillarni takomillashtirish to‘g‘risida”**gi 125-son qarori ijrosi yuzasidan o‘rganish ishlari amalga oshirildi.
👥 O‘rganishda Xalq deputatlari Shovot tumani Kengashining “Adolat” SDP deputatlik guruhi a’zosi, 19-Eshonqal’a saylov okrugi deputati Dilorom Qadamovna Shodonova hamda Kengash kotibiyati xodimi Umrbek Shavkatovich Ro‘zmetov ishtirok etdi.
📍 O‘rganish davomida Eshonqal’a mahallasi hududida faoliyat yuritayotgan "Nurjonbek Umidjon" xususiy sartaroshxonasi faoliyati bilan yaqindan tanishildi.
💼 Mazkur tadbirkorlik subyekti 50 million so‘m miqdoridagi imtiyozli kredit mablag‘i evaziga o‘z faoliyatini yo‘lga qo‘ygan hamda 2 ta yangi ish o‘rni yaratishga erishgan.
📈 O‘rganish jarayonida aholini tadbirkorlikka jalb etish, yangi ish o‘rinlarini yaratish va oilalar daromadini oshirish borasida amalga oshirilayotgan ishlar ijobiy baholandi.
🤝 Bu kabi loyihalar hududda bandlikni ta’minlash, tadbirkorlikni rivojlantirish va kambag‘allikni qisqartirishda muhim ahamiyat kasb etmoqda.