Deputatlik so‘rovi yuborildi

Xalq deputatlari Termiz tuman Kengashi deputati tomonidan fuqarolardan kelib tushgan murojaatlar asosida M. Eshtemirov mahallasi Anhor ko‘chasida elektr ta’minotini yaxshilash bo‘yicha olib borilayotgan ishlarning to‘xtab qolgani yuzasidan mas’ul tashkilotga deputatlik so‘rovi yuborildi.

O‘rganishlar davomida mazkur hudud uchun zarur bo‘lgan beton ustunlar, elektr simlari va traverslar viloyat tomonidan to‘liq ajratilgani, biroq ishlarning tuman darajasida amaliy ijrosi ta’minlanmayotgani aniqlandi.

Deputatlik so‘rovida:

♾ ishlarning to‘xtab qolish sabablari;
♾ mas’ul ijrochilar;
♾ qurilish-montaj ishlarini qayta boshlash va yakunlash muddatlari;
♾ muammoni bartaraf etish bo‘yicha ko‘rilayotgan chora-tadbirlar yuzasidan asoslantirilgan yozma ma’lumot taqdim etish so‘raldi.

Fuqarolar murojaatlarida ko‘tarilgan masalalarning qonuniy va o‘z vaqtida hal etilishi yuzasidan deputatlik nazorati davom ettiriladi.