ЭЛЕКТР ТАЪМИНОТИ БЎЙИЧА ЎРГАНИШ ЎТКАЗИЛДИ
Халқ депутатлари Янгиқўрғон тумани Кенгаши котибияти мудири Эргашева Мунисхон Рустамбековна ҳамда Халқ депутатлари Наманган вилояти Кенгаши котибияти мутахассиси М. Имамов томонидан Янгиқўрғон туман электр тармоқлари корхонасида ўрганиш ишлари олиб борилди.
Ўрганиш Халқ депутатлари Янгиқўрғон тумани Кенгашининг навбатдаги сессияси кун тартибига киритилиши режалаштирилган масала юзасидан амалга оширилди.
Жараёнда туманда аҳоли ва ижтимоий соҳа объектларини электр энергияси билан барқарор таъминлаш, электр тармоқлари ва трансформатор пунктларининг техник ҳолати, мавжуд муаммолар, фуқаролар мурожаатларининг кўриб чиқилиши ҳамда куз-қиш мавсумига тайёргарлик ишлари атрофлича таҳлил қилинди.
Шунингдек, соҳада амалга оширилаётган ишлар, белгиланган вазифаларнинг ижроси ва келгусида ҳал этилиши лозим бўлган масалалар юзасидан масъул ходимларнинг ахборотлари тингланди.
Ўрганиш натижалари асосида таҳлилий маълумотлар тайёрланиб, аниқланган муаммолар ҳамда уларни бартараф этиш бўйича таклифлар сессия муҳокамасига киритилиши белгиланди.