Payshanba – yoshlar kuni munosabati bilan Xalq deputatlari tuman Kengashi deputati X.Atajonova Ulug‘bek mahallasida yoshlar bilan uchrashib, ularning murojaatlari va takliflarini qabul qildi. Qabul davomida yoshlarni bandlik bilan ta’minlash, ta’lim olish, tadbirkorlik faoliyatini yo‘lga qo‘yish, ijtimoiy qo‘llab-quvvatlash hamda boshqa dolzarb masalalar yuzasidan bildirilgan
murojaatlar atroflicha o‘rganildi. Murojaatlarda ko‘tarilgan masalalarni hal etish yuzasidan tegishli tashkilotlar bilan hamkorlikda amaliy choralar ko‘rish bo‘yicha vazifalar belgilab olindi. Shuningdek, yoshlarning huquq va manfaatlarini ta’minlash, ularning tashabbuslarini qo‘llab-quvvatlash hamda davlat va jamiyat hayotidagi faol ishtirokini rag‘batlantirish ustuvor vazifalardan biri ekani ta’kidlandi. Bunday uchrashuv va qabullar yoshlar bilan ochiq muloqotni mustahkamlash, ularni qiynayotgan muammolarni o‘z vaqtida aniqlash hamda ijobiy hal etishga xizmat qilishi qayd etildi.