Davlat xizmatlari markazi faoliyati o‘rganildi

Xalq deputatlari Navoiy shahar Kengashi kotibiyati mudiri Jo‘rabek Hafizov, Xalq deputatlari Navoiy shahar Kengashi deputati Faxriddin Ro‘ziqulov hamda kotibiyat bosh mutaxassisi Diyorbek Toyirov tomonidan Navoiy shahrida faoliyat yuritayotgan davlat xizmatlari markazi faoliyati joyiga chiqqan holda o‘rganildi.

O‘rganish jarayonida fuqarolarga ko‘rsatilayotgan davlat xizmatlari sifati, murojaatlarni qabul qilish va ko‘rib chiqish tartibi, navbat tizimining samarali tashkil etilgani hamda aholiga yaratilgan qulayliklar ko‘zdan kechirildi.

Mazkur jarayonda markaz faoliyati belgilangan talablar asosida yo‘lga qo‘yilgani, xizmat ko‘rsatish jarayonlari tizimli tashkil etilgani va fuqarolar uchun zarur shart-sharoitlar yaratilgani qayd etildi.

O‘rganish yakunida davlat xizmatlari sifatini yanada oshirish hamda fuqarolar uchun qulayliklarni kengaytirish yuzasidan tegishli tavsiyalar berildi.

Mazkur o‘rganishlar aholiga ko‘rsatilayotgan davlat xizmatlari sifatini yanada takomillashtirishga xizmat qiladi.