Xalq deputatlari Boyovut tumani Kengashi deputatlari X. Berdiyarova, X. Shayimova hamda Kengash kotibiyati bosh mutaxassisi A. Sharopov tomonidan Xalq deputatlari Boyovut tumani Kengashining 2026-yil 27-apreldagi VII-24-33-9-123-K/26-son qarori ijrosi joyiga chiqqan holda o‘rganildi.

Mazkur qarorga muvofiq, O‘zbekiston Respublikasi Prezidentining 2026-yil 1-apreldagi PF-51-sonli “Aholi bilan muloqot tizimini samarali tashkil qilish bo‘yicha qo‘shimcha chora-tadbirlar to‘g‘risida”gi Farmoni hamda tuman hokimligining taklifiga asosan O‘zbekiston Respublikasi Prezidentining Boyovut tumani Xalq qabulxonasining moddiy-texnika bazasini mustahkamlash maqsadida 200,0 mln so‘m mablag‘ ajratilgan.

O‘rganishlar davomida ajratilgan mablag‘lar hisobidan qurilish-ta’mirlash ishlari amalga oshirilgani, zarur moddiy-texnika vositalari xarid qilingani aniqlandi. Shu bilan birga, mavjud ayrim kamchiliklarni bartaraf etish va ishlar samaradorligini yanada oshirish yuzasidan tegishli takliflarni tuman hokimligiga kiritish belgilandi.

Xalq deputatlari Boyovut tumani Kengashi tomonidan qarorlar ijrosini nazorat qilish, ajratilgan mablag‘larning maqsadli va samarali sarflanishini ta’minlash borasidagi o‘rganishlar izchil davom ettiriladi.