Ko‘p qavatli uylardagi muammolar va boshqaruv kompaniyalari faoliyati e’tibor markazida!

Xalq deputatlari Uzun tumani Kengash kotibiyati mudiri O‘.Rajabov hamda S.Rajabovalar tomonidan navbatdagi sessiya kun tartibiga kiritilishi rejalashtirilgan masalalar doirasida tumandagi ko‘p qavatli uylarda aholi uchun yaratilgan sharoitlar hamda boshqaruv servis kompaniyalari (BSK) faoliyati dastlabki tarzda, joyiga chiqqan holda atroflicha o‘rganildi.

Kommunal xizmatlar sifati: Ko‘p qavatli uylarni toza ichimlik suvi, oqova suv tarmoqlari, elektr energiyasi va tabiiy gaz bilan ta’minlanganlik darajasi;
Boshqaruv kompaniyalarining mas’uliyati: BSKlar tomonidan ko‘p kvartirali uylarning tom qismi, yerto‘lalari, kirish yo‘laklari hamda atrof-muhitni obodonlashtirish bo‘yicha amalga oshirilgan ishlar holati;

Ko‘p qavatli uylarda yashovchi fuqarolar bilan bevosita muloqot qilinib, ularni qiynayotgan muammolar, xizmat ko‘rsatish sifatidan qoniqish darajasi va to‘lov intizomi masalalari tahlil qilindi.

O‘rganishlar davomida aniqlangan kamchiliklarni bartaraf etish, ko‘p qavatli uylarga xizmat ko‘rsatish sifatini tubdan yaxshilash va boshqaruv kompaniyalari faoliyati ustidan nazoratni kuchaytirish bo‘yicha mas’ul tashkilot rahbarlariga aniq ko‘rsatmalar berildi.