Xalq deputatlari Paxtakor tuman Kengashi kotibiyati mudiri K.Mamanova, bosh mutaxassislar hamda tegishli tashkilotlar vakillari bilan birgalikda sessiya oldidan Samarqand mahallasi hududida rejalashtirilayotgan “Mening bog‘im” yashil bog‘ loyihasi bilan tanishdi.

Loyiha amalga oshirilishi rejalashtirilgan hudud ko‘zdan kechirilib, bog‘ barpo etish uchun mavjud sharoitlar, hududning infratuzilma imkoniyatlari va obodonlashtirish ishlari yuzasidan muhokamalar olib borildi.

Ushbu loyihaning mahalla aholisi, ayniqsa yoshlar va oilalarning mazmunli hordiq chiqarishi ekologik muhitni yaxshilash, hududning ko‘rkini yanada oshirishdagi ahamiyati ta’kidlandi.

Amalga oshirilishi lozim bo‘lgan ishlar, daraxt va manzarali ko‘chatlar ekish, yashil hududlarni kengaytirish hamda bog‘ni zamonaviy talablarga mos ravishda tashkil etish yuzasidan fikr almashildi.