Мahallalardagi hokim yordamchilari tomonidan amalga oshirilayotgan ishlar samaradorligini o‘rganish, aholining daromad manbalarini kengaytirish va ularning turmush darajasini yaxshilashga qaratilgan chora-tadbirlar ustidan deputatlik nazorati tadbirlari izchil tashkil etilmoqda.

Jumladan, mazkur o‘rganish ishlari Xalq deputatlari tuman Kengashi deputati S.Jumayev tomonidan “Bahoriston” mahallasida o‘tkazildi.

Unda Xalq deputatlari tuman Kengashi kotibiyat bosh mutaxassisi B.Qurbonov ishtirok etdi.

O‘rganish davomida mahallada amalga oshirilayotgan ishlar, xususan, aholini kambag‘allikdan chiqarish, ularni doimiy daromad manbalari bilan ta’minlash, tadbirkorlik faoliyatini qo‘llab-quvvatlash va mavjud muammolarni aniqlashga qaratildi.

O‘rganish yakunlariga ko‘ra aniqlangan kamchiliklarni bartaraf etish yuzasidan tegishli tavsiyalar, ko‘rsatmalar berildi.