Májilis kún tártibine Ózbekstan Respublikası Prezidentiniń 2023-jıl 26-maydaǵı "Mektepke shekemgi hám mektep bilimlendiriwi ministrligi hám onıń sistemasındaǵı shólkemlerdiń jumısın nátiyjeli shólkemlestiriw ilajları haqqında"ǵı PQ-79-sanlı Pármanınıń orınlanıwı boyınsha ámelge asırılǵan jumısları haqqındaǵı esabat tıńlaw máselesi kirgizildi.
Májiliste rayonlıq mektepke shekemgi hám mektep tálimi bóliminiń tiyisli qánigeleri usı qarardıń orınlanıwı sheńberinde Taxtakópir rayonında ámelge asırılǵan jumıslar boyınsha esabat berdi.
Dodalaw procesinde deputatlar esabattı hár tárepleme kórip shıǵıp, qarardıń orınlanıwın jáne de nátiyjeli shólkemlestiriw boyınsha tiyisli usınıslardı bildirdi.