Xalq deputatlari Samarqand shahar Kengashi deputati O.Pardayev tomonidan Samarqand shahridagi “Terakzor” MFY fuqarolari bilan navbatdagi uchrashuv o‘tkazildi.

Muloqot davomida mahalla aholisi o‘zlarini qiynayotgan muammolar yuzasidan taklif va murojaatlarini bevosita bayon etdilar.

Jumladan, “Terakzor” mahallasining Jar-ariq ko‘chasida joylashgan xonadonlardan birida yashovchi fuqarolar tomonidan og‘ir yashash sharoiti haqida ma’lumot berildi. 1,5 sotix hovlida to‘rtta oila istiqomat qilayotgani, xususan, Z.Bekirovlar oilasining ijtimoiy holati murakkab ekani ta’kidlandi.

Shuningdek, fuqaro E.Bekirova 28 yoshli, bolalikdan nogiron bo‘lgan o‘g‘li bilan xonadonning oshxona qismida yashayotganini bildirib, alohida yashash uchun kichik uy qurishga moddiy imkoniyati yetmasligi sababli amaliy yordam so‘radi.

Mazkur murojaat yuzasidan masalani atroflicha o‘rganish va ijobiy hal etish maqsadida Samarqand shahar hokimligiga deputat so‘rovi chiqarildi.

Fuqarolarning muammolarini tinglash va ularni hal etish — deputat faoliyatining ustuvor yo‘nalishlaridan biridir.

Telegram| (http://t.me/Samarqandshaharkengashi1) (https://www.youtube.com/@Samarqandshahar_deputatlari)YouTube|

Instagram| (https://www.instagram.com/invites/contact/?utm_source=ig_contact_invite&utm_medium=copy_link&utm_content=hh6h941)

Facebook| (https://www.facebook.com/share/1BBUcgNhZw/)