“Gulobod”da deputatning sayyor qabuliga puxta tayyorgarlik ko‘rilmoqda 

Ohangaron tumanida aholi murojaatlari
bilan ishlash samaradorligini oshirish maqsadida “Gulobod” saylov okrugida sayyor
qabulga tayyorgarlik ishlari olib borilmoqda. Shu munosabat bilan Xalq deputatlari
tuman Kengashi kotibiyati mudiri Madhiya Nishanova hamda Mahalla uyushmasi tuman
bo‘limi rahbari Ma’ruf Toshboev hududga tashrif buyurib, tayyorgarlik jarayonlarini
ko‘zdan kechirishdi. 

Tashrif davomida sayyor qabulni yuqori
saviyada tashkil etish, fuqarolar uchun qulay sharoitlar yaratish va murojaatlarni
tizimli qabul qilish masalalariga alohida e’tibor qaratildi. Qabul jarayonida mutasaddi
tashkilotlar rahbarlarining ishtirokini ta’minlash bo‘yicha ham zarur choralar belgilandi. 

Mutasaddilar murojaatlarga joyida
yechim topish, ortiqcha sansalorlikka yo‘l qo‘ymaslik va har bir masala yuzasidan
aniq mas’ullarni belgilash orqali ijro intizomini kuchaytirish muhimligini ta’kidlashdi. 

Qayd etilganidek, puxta tayyorgarlik
asosida o‘tkaziladigan sayyor qabul aholini qiynayotgan muammolarni tezkor hal etish,
davlat organlariga bo‘lgan ishonchni mustahkamlash va joylarda amaliy natijadorlikni
ta’minlashga xizmat qiladi.