Xalq deputatlari Toshkent viloyati Kengashi kotibiyati mudiri Otabek Anarov tomonidan
Ohangaron tumani Kengashida qabul qilinayotgan sessiya qarorlarining amaldagi holati
atroflicha o‘rganildi.  

O‘rganish jarayonida qarorlarning ijrosi,
ularning hududdagi ijtimoiy-iqtisodiy rivojlanishga ta’siri, shuningdek, qabul qilinayotgan
hujjatlarning qonunchilik talablariga muvofiqligi tahlil qilindi.  

Shu bilan birga, O‘zbekiston Respublikasi
Oliy Majlis Senati Kengashining 54-sonli qarori asosida mahalliy Kengashlarda hisobot
va axborotlarni eshitish tartibi ham amaliy jihatdan ko‘rib chiqildi. Mazkur tartib
asosida mansabdor shaxslarning faoliyati ustidan deputatlik nazoratini kuchaytirish,
hisobotlarni sifatli va tizimli tashkil etish, ularning ochiqligi hamda shaffofligini
ta’minlash masalalariga alohida e’tibor qaratildi.  

O‘rganish yakunlari yuzasidan tegishli
taklif va tavsiyalar ishlab chiqilib, kelgusida sessiya qarorlarining samaradorligini
oshirish hamda hisobotlarni eshitish mexanizmlarini yanada takomillashtirish bo‘yicha
zarur chora-tadbirlar belgilandi.