🔰#munosabat

So‘m qadri va iqtisodiy barqarorlik — deputat e’tiborida

🏦Milliy valyutamiz kursidagi o‘zgarishlar iqtisodiyotimiz va aholi turmush darajasiga ta’sir ko‘rsatadigan muhim omillardan biridir. Dollar kursining so‘mga nisbatan ketma-ket o‘sishi iqtisodiy jarayonlarni chuqur tahlil qilish, mavjud omillarni baholash va tegishli choralarni ko‘rish zarurligini ko‘rsatadi.
🏦Iqtisodchi Mirkomil Xolboyev ta’kidlaganidek, valyuta kursidagi o‘zgarishlarga tashqi va ichki qarz to‘lovlari, real valyuta kursi dinamikasi hamda pul o‘tkazmalarining mavsumiy kamayishi kabi omillar ta’sir ko‘rsatishi mumkin.
🏦Deputat sifatida menimcha, bu jarayonda eng muhim masala — milliy valyuta barqarorligini ta’minlash, inflyatsion bosimni jilovlash va aholi xarid qobiliyatini himoya qilishdir. Chunki valyuta kursidagi o‘zgarishlar import mahsulotlari, ayrim iste’mol tovarlari va tadbirkorlik xarajatlariga ta’sir qilishi mumkin.
🏦Shu bois iqtisodiy vaziyatni muntazam tahlil qilish, valyuta bozoridagi o‘zgarishlar sabablarini aholiga ochiq tushuntirish hamda makroiqtisodiy barqarorlikni mustahkamlashga qaratilgan chora-tadbirlarning samaradorligini oshirish muhimdir.
🏦Milliy valyuta barqarorligi — iqtisodiy ishonch, aholi farovonligi va tadbirkorlik rivojining muhim omilidir. Shu nuqtayi nazardan, iqtisodiy jarayonlar va ularning aholi turmushiga ta’siri deputatlik e’tiborida bo‘lishi lozim.

Quvondiq Safarov,
Xalq deputatlari Jondor tumani Kengashining мahalliy budjet, tadbirkorlikni rivojlantirish va iqtisodiy islohotlar masalalari bo‘yicha doimiy komissiyasi raisi

Xalq deputatlari Jondor tumani Kengashining ijtimoiy tarmoqlardagi sahifalarini kuzatib boring!👇👇👇
👉Telegram ▶️Youtube 📷Instagram 🗳Facebook🌐 Veb-sayt