“Og‘ir” mahallalarda infratuzilma loyihalari o‘rganildi

Xalq deputatlari Pastdarg‘om tumani Kengashi deputati M. Altibayeva tomonidan O‘zbekiston Respublikasi Prezidentining 2026-yil 5-fevraldagi PQ-49-son qarori doirasida tumandagi “og‘ir” mahallalarda aholi yashash sharoitlarini yaxshilashga qaratilgan loyihalar o‘rganilmoqda.

Mazkur qaror “og‘ir” mahallalarda infratuzilmani rivojlantirish va kambag‘allikni qisqartirishga qaratilgan chora-tadbirlarni belgilaydi.

🔎 O‘rganish davomida Beshnayman MFYda quyidagi loyihalar rejalashtirilgani ko‘rib chiqildi:
🔹 1,5 km asfalt yo‘l yotqizish — 956 mln so‘m;
🔹 2 dona suv inshooti qurish — 600 mln so‘m;
🔹 2 km suv tarmog‘i tortish — 700 mln so‘m;
🔹 1 dona transformator punkti o‘rnatish — 75 mln so‘m;
🔹 3 km elektr tarmog‘i tortish — 319 mln so‘m;
🔹 1 km ariqlarni betonlashtirish — 120 mln so‘m;
🔹 2,5 km piyodalar yo‘lagi qurish — 250 mln so‘m;
🔹 mahalla binosini kapital ta’mirlash — 100 mln so‘m.
🏘 Esaboy MFYda esa:
🔹 3 dona transformator punkti o‘rnatish — 225 mln so‘m;
🔹 7 km elektr tarmog‘i tortish — 350 mln so‘m;
🔹 250 dona beton ustun o‘rnatish — 300 mln so‘m;
🔹 50 dona quyosh panelli tungi yoritish chirog‘i o‘rnatish — 30 mln so‘m;
🔹 50 dona temir ustun o‘rnatish — 50 mln so‘m;
🔹 6 km ichki yo‘llarni shag‘allashtirish — 180 mln so‘m;
🔹 2 dona suv inshooti qurish — 600 mln so‘m;
🔹 3 km ichimlik suvi tarmog‘i tortish — 820 mln so‘m;
🔹 2 km hududni betonlashtirish — 200 mln so‘m;
🔹 mahalla binosini kapital ta’mirlash va quyosh panellari o‘rnatish — 245 mln so‘m.
📌 Deputat tomonidan mazkur loyihalarning manzilliligi, aholining real ehtiyojlariga mosligi hamda belgilangan ishlarning o‘z vaqtida va sifatli amalga oshirilishi yuzasidan deputatlik nazorati olib borilmoqda.

🤝 Ushbu loyihalarning amalga oshirilishi mahallalarda yo‘l, ichimlik suvi, elektr ta’minoti, yoritish va obodonlashtirish bilan bog‘liq infratuzilma sharoitlarini yaxshilashga qaratilgan.