Xalq deputatlari Uchquduq tuman Kengashining 18-O‘zbekiston saylov okrugi deputati L.Karimova, Kengash kotibiyati mudiri M.Kamolova hamda Ekologik partiya Uchquduq tuman Kengashi raisi Sh.Sharipova bilan birgalikda tuman Kengashining tegishli qaroriga muvofiq Abay MFY hududida barpo etilayotgan bolalar maydonchasida olib borilayotgan qurilish ishlari o‘rganildi.

🔎O‘rganish davomida bolalar maydonchasining qurilish jarayoni, hududning obodonlashtirilishi, o‘rnatilayotgan jihozlarning sifati va xavfsizlik talablariga muvofiqligi, shuningdek, bolalar uchun qulay va zamonaviy sharoitlar yaratilishiga alohida e’tibor qaratildi.

🛝Bolalar maydonchalari — farzandlarimizning bo‘sh vaqtini mazmunli o‘tkazishi, ochiq havoda faol harakat qilishi va sog‘lom ulg‘ayishi uchun muhim infratuzilma hisoblanadi. Shu bois bunday obyektlarni barpo etishda qurilish sifati, xavfsizlik va hududning ekologik holati muhim ahamiyat kasb etadi.

🌳Shuningdek, maydoncha atrofini obodonlashtirish, ko‘kalamzorlashtirish hamda bolalar uchun yanada qulay va xavfsiz muhit yaratish masalalariga e’tibor qaratildi.

🤝O‘rganish yakunlari bo‘yicha qurilish ishlarini belgilangan talablar asosida sifatli amalga oshirish, hududni obodonlashtirish va bolalar xavfsizligini ta’minlash yuzasidan tegishli tavsiya va takliflar bildirildi.

✨ Farzandlarimiz uchun qulay va xavfsiz muhit yaratish — barchamizning ustuvor vazifamiz!