Xalq deputatlari Oltinsoy tumani Kengashi raisi, 22-“Mingchinor” saylov okrugidan saylangan deputat Akrom Abdimuratovich Turdiyev tomonidan “Mingchinor” mahallasida joylashgan 62-sonli maktabida kuz-qish mavsumiga tayyorgarlik holati deputatlik nazorati tartibida o‘rganildi.

O‘rganish va tahlil jarayoni:

Binolar va infratuzilma holati: Deputat muassasaning asosiy binosi, xonalarning issiqlik saqlash darajasi hamda texnik holatini ko‘zdan kechirdi.

Isitish tizimi va qozonxona: Ta’lim muassasasining isitish tizimi, isitish qozonlari va uning sozligi joyida ko‘zdan kechirilib, mavsumda uzluksiz ishlashini ta’minlash bo‘yicha texnik ko‘rsatmalar berildi.

Yoqilg‘i zaxirasi: Kuz-qish mavsumi uchun jamg‘arilgan ko‘mir va boshqa muqobil yoqilg‘i mahsulotlarining saqlanish sharoitlari hamda belgilangan me’yorlar bo‘yicha zaxira miqdori ko‘zdan kechirildi.

O‘rganish yakunida aniqlangan kamchiliklarni tezkor bartaraf etish hamda tarbiyalanuvchilar va xodimlar uchun issiq va xavfsiz sharoitlarni to‘liq yaratish yuzasidan mas’ullarga tegishli tavsiya va topshiriqlar berildi.

✍️Oltinsoy tumani Kengash Kotibiyati Axborot xizmati

📱Telegram|📱Facebook|📱Instagram 🌐E-kengash|📱YouTube🌎oltinsoy.uz