#Yoshlar_maslahat_guruhi_faoliyati
#kotibiyat_xodimi_faoliyati #nazorat_tahlil

Yoshlar ma’naviy tarbiyasi yo‘nalishidagi ishlar o‘rganildi

Xalq deputatlari tuman Kengashi huzuridagi “Ekspert” guruhi raisi o‘rinbosari D. Abdimurodova hamda tuman Kengashi kotibiyati bosh mutaxassisi A. Mamarajabov tuman Ma’naviyat va ma’rifat bo‘linmasida bo‘lib, mazkur yo‘nalishda amalga oshirilayotgan ishlar yuzasidan o‘rganish olib bordi.

O‘rganish davomida yoshlarning ma’naviy dunyoqarashini yuksaltirish, ularni milliy va umuminsoniy qadriyatlarga hurmat ruhida tarbiyalash, kitobxonlik va ma’rifatga qiziqishini oshirish, bo‘sh vaqtlarini mazmunli tashkil etish hamda turli ma’naviy-ma’rifiy tadbirlarga keng jalb etish borasida amalga oshirilayotgan ishlar tahlil qilindi.

Shuningdek, yoshlar o‘rtasida vatanparvarlik, fuqarolik mas’uliyati, odob-axloq va ijtimoiy faollik kabi fazilatlarni shakllantirishga qaratilgan targ‘ibot-tashviqot ishlarining samaradorligiga e’tibor qaratildi.

O‘rganish yakunlari bo‘yicha aniqlangan masalalarni bartaraf etish va yoshlar bilan ma’naviy-ma’rifiy yo‘nalishdagi ishlarni yanada takomillashtirish yuzasidan taklif va tavsiyalar bildirildi.

Qiziriq tumani Kengashi Axborot xizmati 
Rasmiy sahifalarimiz👇
Telegram | Facebook | E-kengash |Instagram