QORAQALPOG‘ISTON RAVNAQI -  XALQ FAROVONLIGI YO‘LIDA
Prezident tashrifi – taraqqiyot va yangi imkoniyatlar sari muhim qadam.
O‘zbekiston Respublikasi Prezidenti Shavkat Mirziyoevning Qoraqalpog‘iston Respublikasiga tashrifi hududning ijtimoiy-iqtisodiy salohiyatini yanada oshirish, aholi turmush farovonligini yuksaltirish va yangi istiqbolli loyihalarni amalga oshirishda muhim ahamiyat kasb etdi. Tashrif davomida sanoat, qishloq xo‘jaligi, tadbirkorlik, ta’lim, tibbiyot va infratuzilma sohalarini rivojlantirish, yangi ish o‘rinlarini yaratish hamda aholi bandligini ta’minlash masalalariga alohida e’tibor qaratildi. Belgilangan vazifalarning asosiy maqsadi – mavjud imkoniyatlardan samarali foydalanish, tadbirkorlikni qo‘llab-quvvatlash, yoshlarga munosib sharoit yaratish va aholi daromadlarini oshirishdan iborat.
Bu borada Beruniy tumanida ham tadbirkorlikni rivojlantirish, xotin-qizlar va yoshlar bandligini ta’minlash, mahallalarda aholi turmush sharoitlarini yaxshilash muhim vazifalardan hisoblanadi. Belgilangan rejalar ijrosini ta’minlashda deputatlar, mutasaddi tashkilotlar va jamoatchilikning hamkorligi alohida ahamiyatga ega. Prezident tashrifi hudud taraqqiyoti yo‘lidagi ustuvor vazifalarni belgilab berishi bilan birga, xalq farovonligi va inson qadrini ulug‘lashga qaratilgan islohotlarni izchil davom ettirish muhimligini yana bir bor namoyon etdi. Zero, hudud ravnaqi – xalq farovonligi, xalq farovonligi  esa  mamlakat taraqqiyotining mustahkam asosidir.
Matkarimova Hamida Fayzullaevna O‘zLiDePdan Xalq deputatlari Beruniy tumani Kengashi deputati