#deputat_faoliyati

O‘zboshimchalik bilan egallangan yer uchastkalariga oid qonun targ‘ib qilindi

Xalq deputatlari Jondor tumani Kengashi deputati Q. Safarov tomonidan Davlat xizmatlari markazida O‘zbekiston Respublikasining 2024-yil 5-avgustdagi “O‘zboshimchalik bilan egallab olingan yer uchastkalariga hamda ularda qurilgan binolar va inshootlarga bo‘lgan huquqlarni e’tirof etish to‘g‘risida”gi O‘RQ-937-son Qonuni mazmun-mohiyatini aholiga yetkazishga qaratilgan targ‘ibot tadbiri tashkil etildi.
Tadbir davomida mazkur Qonunning maqsadi, o‘zboshimchalik bilan egallangan yer uchastkalari hamda ularda qurilgan bino va inshootlarga bo‘lgan huquqlarni e’tirof etishning huquqiy asoslari haqida batafsil ma’lumot berildi.
Shuningdek, fuqarolarga qonunda belgilangan tartib va talablar, murojaat qilish mexanizmlari hamda davlat xizmatlaridan foydalanish jarayonida e’tibor qaratilishi lozim bo‘lgan jihatlar tushuntirildi.
Targ‘ibot davomida fuqarolarning savollariga javoblar berilib, yer va mulk huquqlarini qonuniy tartibda rasmiylashtirish bilan bog‘liq masalalar yuzasidan huquqiy tushuntirishlar berildi.
Aholining huquqiy savodxonligini oshirish, qonunlarning mazmun-mohiyatini keng jamoatchilikka yetkazish hamda fuqarolarning qonuniy manfaatlarini ta’minlashga qaratilgan targ‘ibot ishlari davom ettiriladi.

Xalq deputatlari Jondor tumani Kengashining ijtimoiy tarmoqlardagi sahifalarini kuzatib boring!👇👇👇
👉Telegram ▶️Youtube 📷Instagram 🗳Facebook🌐 Veb-sayt