#mahalla_yettiligi_bilan_hamkorlik
#kotibiyat_xodimi_faoliyati #nazorat_tahlil

“Karmaki” mahallasida aholi bandligini ta’minlash masalalari o‘rganildi

Xalq deputatlari tuman Kengashiga 21-“Karmaki” saylov okrugidan saylangan deputat B. Mo‘minovning okrugida Kengash kotibiyati bosh mutaxassisi J. Donayev tomonidan mahalla ijtimoiy xodimi bilan hamkorlikda o‘rganish ishlari olib borildi.
O‘rganish davomida imtiyozli kredit mablag‘lari hisobidan chorva mollari xarid qilib, o‘zini o‘zi band qilgan fuqaroning faoliyati bilan yaqindan tanishildi. Fuqaroning xarid qilingan chorva mollari orqali daromad topayotgani va o‘z bandligini ta’minlash borasidagi faoliyati ko‘zdan kechirildi.

Shuningdek, fuqaroning chorvachilik faoliyatini rivojlantirish, mavjud imkoniyatlardan samarali foydalanish hamda kelgusida daromadlarini oshirish bo‘yicha amalga oshirayotgan ishlari o‘rganildi.

O‘rganish jarayonida mahallada aholi bandligini ta’minlash, ishsiz va daromad manbaiga ega bo‘lmagan fuqarolarni kasb-hunarga yo‘naltirish, ularni mavjud imtiyoz va imkoniyatlardan foydalanishga jalb etish masalalariga ham e’tibor qaratildi.

Mazkur yo‘nalishdagi ishlar deputatlik nazorati doirasida davom ettirilib, aholining o‘zini o‘zi band qilishi va oilaviy daromadlarini oshirishga qaratilgan amaliy tashabbuslarni qo‘llab-quvvatlashga alohida e’tibor qaratilmoqda.

Qiziriq tumani Kengashi Axborot xizmati 
Rasmiy sahifalarimiz👇
Telegram | Facebook | E-kengash |Instagram