IJTIMOIY HIMOYAGA MUHTOJ OILALARNI
QO‘LLAB-QUVVATLASH ISHLARI O‘RGANILDI 

Xalq deputatlari Quva tuman Kengashi raisi Z.Ashurov, kotibiyati mudiri R.Nodirov hamda bosh mutaxassisi M.To‘xtasinov tomonidan Sanoatchilar mahalla fuqarolar yig‘inida ijtimoiy himoyaga muhtoj aholini qo‘llab-quvvatlash borasidagi ishlar o‘rganildi. 

O‘zbekiston Respublikasi Prezidentining 2026-yil 5-fevraldagi 49-son
qarori ijrosi doirasida “Ijtimoiy himoya yagona reestri”ga kiritilgan,
tarkibida I guruh nogironi bo‘lgan oila xonadonidagi ta’mirlash ishlari holati
ko‘rib chiqildi. 

O‘rganish davomida xonadonda yashash sharoitlarini yaxshilash, fuqarolar
uchun munosib va xavfsiz muhit yaratish borasidagi ishlarning sifati va
bajarilishi holatiga e’tibor qaratildi. Xonadon a’zolari bilan muloqot qilinib,
ularning fikr va takliflari tinglandi. 

Aniqlangan masalalar “Deputatning ko‘cha aylanish daftari”ga kiritilib,
ularning ijrosi nazoratga olindi.